काठमाडौं । सिटी होटल लिमिटेडको शेयर रजिष्ट्रारमा ग्लोबल आइएमई क्यापिटल लिमिटेड नियुक्त भएको छ । कम्पनीको आइपीओ निष्काशन तथा विक्री प्रबन्धकको जिम्मेवारी समेत पूरा गरेको क्यापिटलले शेयर रजिष्ट्रारको जिम्मेवारी समेत दिएको हो ।
कम्पनीको आईपीओ सर्वसाधारणमा जेठ ५ गते बाँडफाँड भएको थियो । कम्पनीले वैशाख २५ गतेदेखि २८ गतेसम्म सर्वसाधारणमा आइपीओ विक्री गरी जेठ ५ गते बाँडफाँड गरेको हो ।
अब धितोपत्र कारोबार सम्बन्धी अभिलेख राख्ने, दाखिल खारेज, नामसारी लगायतका शेयरधनीहरुको लगत अद्यावधिक गरी राख्ने सम्बन्धी सम्पूर्ण कार्य ग्लोबल आइएमई क्यापिटल लिमिटेड मार्फत हुने कम्पनीले जनाएको छ ।
