काठमाडौं । विजय लघुवित्त वित्तीय संस्था लिमिटेडले र नयाँ सारथी लघुवित्त वित्तीय संस्थाले मर्जरका लागि अन्तिम सम्झौतापत्रमा हस्ताक्षर भएको छ । यी दुवै कम्पनीबीच मर्जरमा जाने अन्तिम सम्झौतापत्रमा शनिबार वैशाख ३० गते हस्ताक्षर भएको हो ।
दुवै कम्पनीको वार्षिक साधारणसभाबाट मर्जर प्रक्रिया स्वीकृति भएपछि अन्तिम सम्झौतापत्रमा हस्ताक्षर भएको हो। यी दुवै कम्पनीबीच गत मंसिर २६ गते मर्जरमा जाने प्रारम्भिक सम्झौता भएको थियो । राष्ट्र बैंकले गत चैत २ गते यी दुवै लघुवित्तको मर्जरलाई सैद्धान्तिक सहमति प्रदान गरेको थियो । यी दुई कम्पनी समान हैषियतमा मर्जरमा जान लागेका हुन ।
