काठमाडौं । निर्धन उत्थान लघुवित्त वित्तीय संस्था लिमिटेडको बोनश शेयर हितग्राही खातामा जम्मा भएको छ । लघुवित्तको २४ औं वार्षिक साधारण सभाबाट पारित भएको १९ प्रतिशत बोनस शेयर शेयरधनीको हितग्राही खातामा जम्मा गरेको हो ।
लघुवित्तको २४ औं वार्षिक साधारण सभाबाट पारित भएको १९ प्रतिशत बोनस शेयर नेपाल स्टक एक्सचेन्ज लिमिटेड र सिडिएस एण्ड क्लियरिङ लिमिटेडमा सूचिकृत तथा दर्ता भई अभौतिक रुपमा कारोबार हुने व्यवस्था भइसकेको छ । २०७९ फागुन १ गतेसम्म शेयर अभौतिकीकरण गराएका शेयरधनीको बोनस शेयर सम्बन्धित हितग्राही खातमा जम्मा भइसकेको छ । साथै, सो मिति पश्चात शेयर अभौतिकीकरण गराएका शेयरधनीको हकमा पनि उक्त बोनश जम्मा हुने व्यवस्था गरिएको छ ।
शेयर अभौतिकिकरण नगरेका शेयरधनीहरुले अभौतिकीकरण गराई आफ्नो बोनस शेयर हितग्राही खातामा जम्मा गराउन लघुवित्तले आग्रह गरेको छ ।