काठमाडौं । गरिमा विकास बैंक लिमिटेडको १६ औं वार्षिक साधारण सभाबाट पारित भएको १३ प्रतिशत बोनस शेयर हितग्राही खातामा जम्मा भएको छ । उक्त बोनस शेयर नेपाल स्टक एक्सचेन्ज र सिडिएस एण्ड क्लियरिङ लिमिटेडमा सूचिकृत तथा दर्ता भई अभौतिक रुपमा कारोबार हुने व्यवस्था भएको बैंकले जनाएको छ ।
साथै २०७९ पुष ८ गतेसम्म शेयर अभौतिकीकरण गराएका कम्पनीका शेयरधनीको बोनस शेयर सम्बन्धित हितग्राही खातामा जम्मा गरिएको हो । पुष ८ गते पश्चात शेयर अभौतिकीकरण गराएका शेयरधनीहरुको हकमा भने उक्त बोनस शेयर जम्मा हुने व्यवस्था गरिएको छ ।
हालसम्म पनि शेयर अभौतिकीकरण नगरेका शेयरधनीले पनि शेयर अभौतिकीकरण गराई आफ्नो बोनस शेयर हितग्राही खातामा प्राप्त गर्न सकिने बैंकले जनाएको छ ।
