काठमाडौं । राष्ट्र उत्थान लघुवित्तको शेयर कारोबार फुकुवा भएको छ । नेप्सेले समयमा लाभांश घोषणाको जानकारी नगराएको भन्दै स्पष्टिकरण माग गरी कम्पनीको शेयर कारोबार रोक्का गरेको थियो । कम्पनीले गलत बुझाईको कारण समयमा नै लाभांश बारेको जानकारी दिन नसकेको भन्दै क्षमा मागेपछि नेप्सेले कम्पनीको शेयर कारोबार फुकुवा गरिदिएको छ ।
कम्पनीले क्षमा मागेपछि आगामी दिनमा धितोपत्र सूचिकरण विनियमावलीका व्यवस्था र धितोपत्र सूचिकरण सम्झौताका सम्पूर्ण शर्त पालना गर्न नेप्सेले निर्देशन दिएको छ ।
कम्पनीको वैशाख १३ गते बेलुका ६ बजे बसेको संचालक समितिको बैठकले आर्थिक वर्ष ७८र७९ को मुनाफाबाट बितरण गर्ने लाभांश प्रस्ताव गरेको थियो । जस अनुसार कम्पनीले हाल कायम चुक्ता पूँजीको १४.२५ प्रतिशत बोनस शेयर र कर प्रयोजनको लागि ०.७५ प्रतिशत नगद लाभांश गरि कुल १५ प्रतिशत लाभांश बितरण गर्ने प्रस्ताव गरेको हो।
कम्पनीले वैशाख १३ गते लाभांशबारे निर्णय गरेर नेप्सेमा वैशाख १९ गतेको कारोबार समयमा मात्र जानकारी गराएपछि नेप्सेले कम्पनीको कारोबार रोक्का गरेको थियो ।
1683192132584
