काठमाडौं । बैंक तथा वित्तीय सस्थाहरूमा एकै दिन ६ अर्बले निक्षेप वृद्धि भएको छ । नेपाल राष्ट्र बैंकले प्रकाशन गरेको तथ्यांक अनुसार समस्त बैंकिङ प्रणालीमा ६ अर्बले निक्षेप वृद्धि भएको हो ।
वैशाख १८ गते बैंकिङ प्रणालीमा ५४ खर्ब ५३ अर्ब निक्षेप रहेकोमा अर्को दिन अर्थात् वैशाख १९ गते निक्षेप बढेर ५४ खर्ब ५९ अर्ब पुगेको छ । कुल निक्षेपमा वाणिज्य बैंकले संकलन गरेको निक्षेप ४८ खर्ब १५ अर्ब रहेको छ ।
त्यस्तै कर्जा प्रवाह स्थीर रहेको छ । कर्जा स्थीर र निक्षेप आकर्षक वृद्धि हुँदा सिडी रेसियो ८५ दशमलव २४ प्रतिशतमा झरेको छ । अघिल्लो दिन सिडी रेसियो ८५ दशमलव ३२ प्रतिशत थियो ।
अन्तर बैंक ब्याजदर ७ प्रतिशत छ ।
