काठमाडौं । नेपाल राष्ट्र बैंक सर्वोत्कृष्ट सेवा पुरस्कार सूचना प्रविधि विभागका उप-निर्देशक रामनाथ पण्डितले पाएका छन् । बैंकको वार्षिकोत्सवका अवसरमा यसै वर्षदेखि कुशल कार्यसम्पादनका साथै बैंकको मर्यादा र प्रतिष्ठा अभिवृद्धिमा उल्लेखनीय योगदान पुर्याउने पाँच जना कर्मचारीलाई ‘नेपाल राष्ट्र बैंक सेवा पुरस्कार’प्रदान गर्न सुरु गरिएको छ ।
जसअनुसार देहायका कर्मचारीलाई यस वर्षको बैंक सेवा पुरस्कार प्रदान गरिएको हो । सर्वोत्कृष्ट पुरस्कार पण्डितले पाएका छन् भने उत्कृष्ट सेवा पुरस्कार मणिराज श्रेष्ठ, यशोधा पोखरेल, लालकुमारी सुवेदी र झंनप्रसाद कोइरालाले पाएका हुन् । पण्डितले एक लाख रुपैयाँ राशीको पुरस्कार पाएका छन् भने उत्कृष्ट सेवा पाउनेले जनही ५० हजार रुपैयाँ राशीको पुरस्कार पाएका हुन् ।
