काठमाडौं। पछिल्लो समय कर्जा निक्षेप अनुपात (सिडी रेसियो ) ८६ प्रतिशत भन्दा तल आएको छ । नेपाल राष्ट्र बैंकले प्रकाशन गरेको तथ्यांक अनुसार मार्च १८ मा सिडी रेसियो ८५ दशमलव ७१ प्रतिशत रहेको छ । अघिल्लो दिन अर्थात् मार्च १७ मा पनि सिडी रेसियो त्यति नै थियो ।
बैंक तथा वित्तीय सस्थामा निक्षेप संकलन ५४ खर्ब ०४ अर्ब रहेको छ भने अघिल्लो दिन निक्षेप ५४ खर्ब ०५ अर्ब थियो । एक दिनको अवधिमा निक्षेप संकलन १ अर्बले घटेको छ । कूल निक्षेपमध्ये वाणिज्य बैंकमा ४७ खर्ब ६३ अर्ब निक्षेप छ भने अन्य वित्तीय सस्थामा ६ खर्ब ४१ अर्ब निक्षेप रहेको छ । एक दिनको अवधिमा वाणिज्य बैंकबाट १ अर्ब निक्षेप घटेको हो ।
त्यस्तै प्रणालीबाट मार्च १८ सम्म ४८ खर्ब १३ अर्ब कर्जा प्रवाह भएको छ। कर्जा प्रवाहमा एक दिनको अवधिमा कुनै परिवर्तन भएको छैन।
अन्तर बैंक व्याज दर भने सामान्य घट्दै ७ प्रतिशतमा आएको छ। अघिल्लो दिन अन्तर बैंक व्याज दर ७ दशमलव ०१ प्रतिशत थियो ।