काठमाडौं । नयाँ सारथी लघुवित्त र विजय लघुवित्तले नेपाल राष्ट्र बैंकबाट मर्जरको लागि सैद्धान्तिक सहमति पाएका छन् । राष्ट्र बैंकले बैंक तथा वित्तीय संस्था सम्बन्धी ऐन, २०७३ को दफा ७० र बैंक तथा वित्तीय संस्था एक आपसमा गाभ्ने गाभिने (मर्जर) तथा प्राप्ति (एक्विजिशन) सम्बन्धी विनियमावली, २०७३ (पाँचौं संशोधन २०७९) बमोजिम एक आपसमा गाभ्ने गाभिने मर्जरको लागि सैद्धान्तिक सहमति प्रदान गरेको हो।
यी दुई संस्थाबीच मङ्सिर २७ गते मर्जरको लागि सम्झौता भएको थियो । नयाँ सारथी लघुवित्तको केन्द्रिय कार्यालय काभ्रेको धुलिखेलमा रहेको छ भने विजय लघुवित्तको केन्द्रिय कार्यालय नवलपरासीको गैडाकोटमा रहेको छ ।
नयाँ सारथी लघुवित्तको चुक्ता पूँजी ३० करोड ३३ लाख ९५ हजार रहेको छ भने विजय लघुवित्तको चुक्ता पूँजी ३२ करोड रहेको छ ।
