काठमाडौं । नेपाल लाइफले आफ्नो नाममा रहेको एनआईसी एशिया बैंकको ५ लाख कित्ता संस्थापक शेयर बिक्री गर्ने भएको छ । कम्पनीले प्रति कित्ता न्युनतम मूल्य ३९८ रुपैयाँ प्रस्ताव गरेको छ । यहि मूल्यका आधारमा पनि कम्पनीले १९ करोड ९० लाख रुपैयाँ उठाउनेछ ।
एनआइसी एशियाले विद्यमान संस्थापक शेयरधनीहरुलाई उक्त शेयर खरिदका लागि प्रस्ताव आह्वान गरेको छ । उनिहरुलाई ३५ दिनको म्याद दिइएको छ । यदि विद्यमान संस्थापकले शेयर खरिद गर्न नचाहेमा बैंकले अन्य शेयरधनीहरुलाई आह्वान गर्नेछ ।
नेपाल लाइफले मुनाफा बढाउन शेयर बिक्री गर्ने रणनीति लिएको हो । एनआइसी एशिया र नेपाल लाइफमा क्रस होल्डिङ रहेको छ । यसले गर्दा पनि दुबै कम्पनीका शेयरधनीहरुले एकआपसमा शेयर खरिद बिक्री गरिरहेका हुन्छन् ।
