काठमाडौं । नेपाल सरकारको आम्दानी र खर्चको हिसाब गर्दा सरकारको आम्दानी भन्दा खर्च २६ प्रतिशत धेरै रहेको छ । महालेखा नियन्त्रक कार्यालयको तथ्यांक अनुसार फागुन २३ गतेसम्म सरकारको आम्दानी ५ खर्ब ९९ अर्ब हुँदा सोही दिनसम्म खर्च ७ खर्ब ५३ अर्ब रहेको छ ।
खर्च तर्फ विकास खर्च निकै सुस्त देखिएको छ। सरकारको अधिकांश खर्च चालु खर्चमा गएको छ । फागुन २३सम्म ५ खर्ब ९० अर्ब चालु खर्च हुँदा ७९ अर्ब मात्र विकास खर्च भएको छ ।
यो तथ्यांकमा दुईवटा नकारात्मक पक्ष रहेको छ । एक त आम्दानी भन्दा खर्च धेरै छ । अर्को भनेको सरकारको विकास निर्माणमा खर्च थोरै भएको छ ।
