काठमाडौं । ग्लोबल आइएमई बैंक लिमिटेडले आफ्ना शाखा कार्यालयको आन्तरिक सजावटका लागि बोलपत्र आह्वान गरेको छ । बैंकले मेनरोड शाखा धनगढी र कुपण्डोल शाखा ललितपुरमा रहेको शाखा कार्यालयको आन्तरिक सजावटका लागि रितपूर्वकको शिलबन्दी बोलपत्र आव्हान गरेको हो ।
बैंकका अनुसार उक्त बोलपत्र दिनका लागि नेपाल सरकारमा दर्ता रहेको फर्म वा कम्पनीले आवेदन दिन सक्नेछन् । बोलपत्र फाराम प्रति शाखा कार्यालयका लागि ३ हजार रुपैयाँ पछि फिर्ता नहुने गरी यस बैंकको कुनै पनि शाखामा जम्मा गरेको भौचर पेश गरी फागुन २६ गते २ बजेसम्म कमलादीस्थित कार्यालयको सामान्य सेवा विभागबाट खरिद गर्न सकिने बैंकले जनाएको छ । प्राप्त भएका शिलबन्दी बोलपत्र फागुन २९ गते विहान शिलबन्दी बोलपत्रदाताहरु वा निजको प्रतिनिधिको रोहबरमा खोलिने बैंकले जनाएको छ ।
