काठमाडौं । आरएसडिसी लघुवित्त वित्तीय संस्था लिमिटेडले ४ हजार ९४० कित्ता संस्थापक शेयर विक्रीमा ल्याएको छ । कम्पनीले भुपेन्द्र ज्ञवालीको नाममा रहेको उक्त शेयर विद्यमान संस्थापक शेयरधनीहरूले मात्र खरीद गर्न पाउने गरी विक्रीमा ल्याएको हो ।
यस शेयर खरीद गर्न इच्छुक विद्यमान संस्थापक शेयरधनीहरूले आगामी ३५ दिनभित्र कम्पनीको केन्द्रीय कार्यालय बुटवल, रूपन्देहीमा आवेदन पेस गर्नुपर्नेछ ।
तोकिएको अवधिभित्र विद्यमान संस्थापक शेयरधनीहरूबाट आवेदन प्राप्त नभएमा अन्य व्यक्ति तथा संस्थाहरूमा यो शेयर विक्री गरिने जनाएको छ ।
