काठमाडौं । नेपाल स्टक एक्सचेञ्जले निर्धन उत्थान लघुवित्त र इन्फिनिटी लघुवित्त वित्तीय संस्थाको शेयर मुल्य समायोजन गरेको छ । लघुवित्तले बोनश शेयर वितरणका लागि बुकक्लोज गरेसँगै नेप्सेले यी दुई संस्थाको शेयरमूल्य समायोजन गरेको हो ।
निर्धन उत्थान लघुवित्तको आइतबार शेयरबजार बन्द हुनु अघि कम्पनीको कायम अन्तिम शेयरमूल्य ९९३ रुपैयाँका आधारमा नेप्सेले १९ प्रतिशत बोनश शेयर वितरणपछिको शेयरमूल्य ८३४ रुपैयाँ ४५ पैसा कायम गरेको छ ।
त्यस्तै, इन्फिनिटी लघुवित्तको अन्तिम शेयर मुल्य ९९८ रुपैयाँको आधारमा नेप्सेले २० प्रतिशत बोनश शेयर वितरणपछिको शेयरमूल्य ८३१ रुपैयाँ ६७ पैसा कायम गरेको छ ।
सोही मूल्यको आधारमा आज यी दुवै कम्पनीको दोस्रोबजारमा कारोबार खुल्नेछ ।
