काठमाडौं । सनराइज क्यापिटल लिमिटेडले माघ १० गतेदेखि विक्री गरेको सनराइज फोकस्ड इक्विटी फण्डको इकामा आवेदन दिने आज अन्तिम मौका रहेको छ । यस इकाई छिटोमा माघ १३ गतेसम्म आवेदन दिन सकिने भएपनि उक्त अवधिमा सबै इकाई विक्री नभएको कारण लामो अवधि आजसम्म आवेदन दिन सकिने व्यवस्था गरेको थियो ।
क्यापिटलले यस फण्ड सञ्चालनका लागि प्रतिइकाई १० रूपैयाँ अंकित मूल्यका १२ करोड इकाई विक्री गर्न लागेको हो । कुल इकाईमध्ये १ करोड ८० लाख इकाई कोष प्रवर्द्धक सनराइज बैंक लिमिटेडलाई सुरक्षित राखिएको छ । योबाहेक बाँकी न्यूनतम १० करोड २० लाख इकाई सार्वजनिक निष्कासनमार्फत विक्रीमा ल्याउन लागिएको हो ।
इकाई खरीदकर्ताहरूले न्यूनतम १०० इकाईदेखि अधिकतम १ करोड २० लाख इकाईसम्म माग गर्दै आवेदन दिन सक्नेछन् । १० वर्षे अवधिको बन्दमुखी प्रकृतिको यस योजनाको कूल आकार १ अर्ब २० करोड रूपैयाँ रहेको छ । यस योजनाको विक्री हुनुपर्ने न्यूनतम इकाई ६ करोड रहेको छ ।
न्यूनतम विक्री हुनुपर्ने इकाई विक्री नभएमा उक्त योजना खारेज गरी १५ दिनभित्र निवेदनको रकम फिर्ता भुक्तानी प्रक्रिया शुरू गरिने योजना व्यवस्थापकले जनाएको छ ।
यस योजनाको इकाई निष्कासनका लागि गराइएको रेटिङ्गमा केयर रेटिङ्ग नेपालले योजना व्यवस्थापकलाई केयर एनपी एएमसी क्वालिटी ३ ९एएमसी ३० रेटिङ्ग प्रदान गरेको छ भने कोष प्रवर्द्धकलाई केयर एनपी ए माइनस ९आईएस० रेटिङ्ग प्रदान गरेको छ ।
यस योजनाको इकाई बिक्री प्रबन्धक सनराइज क्यापिटल लिमिटेड रहेको छ । खरीदकर्ताहरूले विक्री प्रबन्धकसँगै नेपाल धितोपत्र बोर्डबाट स्वीकृतिप्राप्त सम्पूर्ण आस्बा सदस्य बैंक तथा वित्तीय संस्था र तिनका तोकिएका शाखा कार्यालयहरूबाट आवेदन दिन सक्नेछन् ।
