काठमाडौं । सनराइज बैंक लिमिटेडले आफ्ना शेयरधनीहरुलाई पाँच वर्ष पुरानो लाभांश बुझिलिन आग्रह गरेको छ । बैंकले हालसम्म पनि भुक्तानी नलिएका शेयरधनीहरुलाई लाभांश भुक्तानी लिन आग्रह गरेको हो ।
सनराइज बैंकको साधारण सभाबाट पारित भई वितरण गरेको लाभांश रकमहरु बुझिलिन बाँकी रहेका शेयरधनीहरुले आफ्नो शेयर प्रमाणहरु वा डिम्याट खाता नम्बरका साथ लिन बाँकी रहेको लाभांश रकम बुझिलिन बैंकले आग्रह गरेको हो ।
सम्बन्धित शेयरधनीहरुले ३५ दिनभित्र बैंकको शेयर रजिष्ट्रारको कार्यालय सनराइज क्यापिटल लिमिटेड, कमलपोखरी, काठमाडौंमा सम्पर्क गरी बुझिलिन सक्नेछन् । साथै तोकेको समयभित्र शेयरधनीहरुले उक्त लाभांश बुझिलिन नआएको खण्डमा सो रकम लगानीकर्ता संरक्षण कोषमा जम्मा हुने बैंकले जनाएको छ ।
