काठमाडौं । महालक्ष्मी विकास बैंकले नगद लाभांश वितरण गरेको छ । २०७८/०७९ को मुनाफाबाट चुक्ता पूँजीको ६.४७ प्रतिशतका दरले हुन आउने नगद लाभांश शेयरधनीको हितग्राही खातामा जम्मा गरिएको बैंकले जनाएको छ ।
हितग्राही खातामा बैंक तथा अद्यावधिक नगराएका शेयरधनीहरुलाई अद्यावधिक गराई नगद लाभांश लिन बैंकले आग्रह गरेको छ । शेयर धितो राखेका शेयरधनीको हकममा भने सम्बन्धित बैंक वित्तीय संस्थाको स्वीकृति पत्र बैंकको शेयर रजिष्ट्रार सिद्धार्थ क्यापिटलमा पेश गर्न अनुरोध गरेको छ ।
