काठमाडों । आँधीखोला लघुवित्त र सीवाईसी नेपाल लघुवित्तले मर्जरको लागि अन्तिम स्वीकृति पाएका छन् । यी दुई लघुवित्तलाई नेपाल राष्ट्र बैंकले मर्जरको लागि अन्तिम स्वीकृति दिएको हो ।
दुवै कम्पनीको असोज ७ गते शुक्रबार सम्पन्न विशेष साधारण सभाले मर्जरको प्रस्ताव पारित गरेका थिए । यी २ संस्थाबीच असार २२ गते मर्जमा जाने सम्झौता भएको थियो।
आँधिखोला लघुवित्तको केन्द्रीय कार्यालय स्याङ्गजाको बयरघारीमा रहेको छ। हाल कम्पनीको चुक्ता पुँजी ११ करोड ९० लाख रहेको छ ।
सीवाईसी नेपाल लघुवित्तले भने केहि समय अघि मात्र आइपीओ जारी गरेको हो । कम्पनीको केन्द्रीय कार्यालय बाग्लुङ जिल्लाको बाग्लुङ नगरपालिका स्थित बाग्लुङ बजारमा रहेको छ । कम्पनीको चुक्ता पुँजी १२ करोड १६ लाख रहेको छ ।
