काठमाडौं । लगानीकर्ताको मनोबल कमजोर हुँदा शेयर बजारमा ५.८९ अंकको करेक्सन देखिएको छ । गएका दुई कारोबार दिनमा १७ अंकले सुधार भएकोमा आज भने ५.८९ अंकले घटेको छ । समग्र आर्थिक तथा राजनीतिक गतिविधिका कारण लगानीकर्तामा कन्फिडेन्स छैन । अझै अर्थतन्त्र के हुने हो भन्ने कुराको टुङ्गो छैन । अर्को तर्फ अव बन्ने सरकार कस्तो हुन्छ र यसले आर्थिक मुद्दालाई कसरी अगाडी बढाउछ भन्ने कुरामा अझै अन्योलता नै छ ।
चालु आर्थिक वर्षको ६ महिना सकिनै लाग्दा सूचिकृत कम्पनीहरुको लाभांश घोषणा गर्ने क्रम बढेको छ । अधिकाम्स बैंक वित्तीय संस्थाहरु यहि पुस मसान्तभित्रै लाभांश घोषणाका साथै साधारणसभा सम्पन्न गर्ने योजनामा छन् । कतिपय सूचिकृत कम्पनीहरुले आकर्षक लाभांश घोषणा गरेका छन् भने कतिपयले लाभांश दिनै सकेका छैनन् ।
अहिले पनि शेयर खरिद गर्दा तोकिएको लाभांश पाउन सकिन्छ । तर अहिले नै लाभांश पाउनका लागि शेयर खरिद गर्दा बुक क्लोज पछि मूल्य समायोजन हुने र त्यस पछि पनि बजार घट्यो भने के गर्ने भन्ने अवस्थामा लगानीकर्ता छन् ।
बुधबार नेप्से सूचक ०.३१ प्रतिशतले घटेर १८६७.२२ अंकमा झरेको छ । १४० वटा कम्पनीको शेयर मूल्यमा गिरावट आउदा ६३ वटाको शेयर मूल्यमा सुधार देखिन्छ । बैंकिङ बाहेक सम्पुर्ण सूचक तथा उपसूचकमा गिरावट आएको छ ।
आधिखोला, शिर्जनशिल लघुवित्त, इस्ट्रन हाइड्रोपावर र घलेम्दी हाइड्रोपावरको शेयर मूल्यमा अत्याधिक सुधार हुने क्रममा सकारात्मक सर्किट लागेको छ ।
