काठमाडौं । नेपाल राष्ट्र बैंकले सार्वजनिक गरेको बैंक तथा वित्तीय सस्थाहरुको मासिक तथ्याङ्क अनुसार कार्तिक महिनासम्म १७ विकास बैंक मध्ये मुक्तिनाथ विकास बैंकले सर्वाधिक नाफा कमाएको छ । बैंकले ४२ करोड २४ लाख खुद नाफा कमाउन सफल भएको छ । त्यस्तै गरिमा विकास बैंकले ३७ करोड २० लाख रुपैयाँ खुद नाफा गरेको छ । तेश्रोमा शाइन रेसुङ्गा डेभलपमेण्ट बैंक रहेको छ । बैंकले ३१ करोड ३४ लाख खुद नाफा गरेको छ ।
५ विकास बैंक नोक्सानीमा :
कार्तिकसम्म कर्णाली डेभलपमेण्ट बैंक, नारायणी डेभलपमेण्ट बैंक, ग्रीन डेभलपमेण्ट बैंक, एक्सेल डेभलपमेण्ट बैंक, सप्तकोशी डेभलपमेण्ट बैंक नोक्सानीमा छन् । सबै भन्दा धेरै नोक्सानी सप्तकोशी डेभलपमेण्ट बैंकको रहेको छ । बैंक कार्तिकसम्म १३ करोड ४७ लाख नोक्सानीमा रहेको छ।
