काठमाडौं । नेपाल इन्फ्रास्ट्रकचर बैंक निफ्राले निष्काशन गरेको ऋणपत्रमा आवेदन दिने म्याद थप भएको छ। बैंकले यस ऋणपत्रमा छिटोमा पुस ४ गतेसम्म आवेदन दिन सकिने थियो । यस अवधिसम्म पर्याप्त आवेदन नपरेपछि अब पुस १४ गतेसम्म आवेदन दिन सकिने भएको हो ।
बैंकले मंसिर २९ गतेदेखि उर्जा ऋणपत्र विक्री खुला गरेको थियो। बैंकले ५ अर्ब बराबरको ५० लाख कित्ता उर्जा ऋणपत्र जारी गरेको हो । ५० लाख कित्ता मध्ये ३० लाख कित्ता व्यक्तिगत तबर अर्थात् प्राइभेट प्लेसमेन्ट मार्फत बिक्रि हुने छ भने बाँकि २० लाख कित्ता सर्बसाधारणहरुको लागि निष्काशन हुनेछ ।
सर्बसाधारणलाई छुट्याईएको २० लाख कित्ता मध्ये १ लाख कित्ता सामुहिक लगानी कोषहरुको लागि छुट्याईएको छ । लगानीकर्ताले ७ वर्ष अवधिको यस ऋणपत्रमा बैंकले ७ प्रतिशत ब्याज प्रदान गर्ने छ । ऋणपत्र निष्काशन तथा विक्री प्रबन्धमा एनआईबिएल एस क्यापिटल रहेको छ ।
नेपाल धितोपत्र बोर्डले कार्तिक २४ गते बैंकलाई उर्जा ऋणपत्र निष्काशन गर्नको लागि अनुमति प्रदान गरेको थियो ।
