काठमाडौं । सानिमा लाइफ इन्स्योरेन्सको शेयर कारोबार फुकुवा भएको छ । नेप्सेले कम्पनीको शेयर कारोबार भोलिबाट हुने गरी कारोबार फुकुवा गरेको हो । नेप्सेले आधारभूत शेयरधनी बाहेकका शेयरधनीको शेयर कारोबार फुकुवा गर्ने निर्णय गरेको हो । रिलायन्स लाइफ र सानिमा एक आपसमा मर्जरमा जाने सहमति भएपछि कारोबार रोक्का थियो ।
नेपाल धितोपत्र बोर्डले जारी गरेको धितोपत्र दर्ता गराएका संगठित संस्था एकआपसमा गाभ्ने गाभिने तथा प्राप्ति सम्बन्धी निर्देशिका, २०७९ बमोजिम मर्जर तथा प्राप्तिमा जाने कम्पनीको शेयर कारोबार अधिकतम १५ दिन मात्र रोक्का हुने ब्यबस्था अनुसार कम्पनीको शेयर कारोबार फुकुवा भएको हो ।
