काठमाडौं । एनएमबी बैंकले लाभांश घोषणा गरेको छ । बैंकको मंसिर १९ गते बसेको सञ्चालक समितिको बैठकले आर्थिक वर्ष २०७८/७९ को मुनाफाबाट ८.२५ प्रतिशत नगद लाभांशको प्रस्ताव गरेको छ । बैंकले यस वर्ष बोनस शेयरको प्रस्ताव गरेको छैन ।
बैंकले चुक्ता पूँजी १८ अर्ब ३६ करोड रुपैयाँको ८.२५ प्रतिशत अर्थात एक अर्ब ५१ करोड रुपैयाँ नगद लाभांश दिने निर्णय गरेको हो । विगत एक दशकको अवधिमा बैंकले यस पटक भने नगद मात्रै दिने भएको हो ।
गत वर्षमा बैंकले १५.८ प्रतिशत लाभांश दिएको थियो । प्रस्तावित लाभांश नेपाल राष्ट्र बैंकले स्वीकृत गरे पछि मात्रै साधारणसभामा पेश गर्न पाइनेछ । साधारणसभाले लाभांश पारित गरे पछि मात्रै शेयरधनीले प्राप्त गर्ने छन् ।
1670246190492
