काठमाडौं । रिलायबल नेपाल लाइफले व्यतित बीमालेख नविकरण गर्दा विलम्व शुल्कमा छुट दिने भएको छ । कम्पनीले २०७९ मंसिर १ गतेदेखि मंसिर २९ गते सम्म व्यतित बीमालेख नविकरणमा व्याज छुट दिने जनाएको छ । यस कम्पनीबाट जारी भएका बीमालेखहरु नविरकण बीमा शुल्क भुक्तानी गर्न छुटेका बीमितहरुले कम्पनीले तोकिएको यस समयमा भुक्तानी गरेमा शत प्रतिशत छुट हुनेछ ।
केनेक्ट आइपीएस, इसेवा, आइएमइ पे र खल्तिबाट बीमा शुल्क भुक्तानी गर्न सकिने कम्पनीले जनाएको छ । दुई वर्षअघिबाट मात्र व्यतित भएका बीमालेखहरुमा मात्रै यो छुट पाइनेछ । यस्तो छुट बीमा अवधिभर एक पटक मात्र छुट पाइनेछ ।
