काठमाण्डाैं । नेपाल बीमा प्राधिकरणले त्रैमासिक वित्तीय विवरण त्रैमासिक अवधि समाप्त भएकाे ३० दिनभित्र प्राधिकरणमा पेश गर्न बीमा कम्पनीहरुलाई ध्यानाकर्षण गराएकाे छ । प्राधिकरणले चालू आर्थिक वर्षकाे पहिलाे त्रैमास असाेज मसान्त पछिकाे ३० दिनकाे अवधि पुरा भएकाे अन्तिम दिन परिपत्र जारी गर्दै बीमकहरुकाे ध्यानाकर्षण गराएकाे हाे ।
प्राधिकरणले नयाँ बीमा एन अनुसार प्रतिवेदन पेश गर्नकाे लागी ३० दिनकाे समयावधि पुरा भएपछि बुधबार अबेर साँझ माात्र पत्र मार्फत् ध्यानाकर्षण गराएकाे छ । प्राधिकरणले पहिलाे पटककाे लागी बीमकहरूलाई नयाँ कानूनी प्रावधान बारे सचेत गराएकाे हुनसक्छ ।
नयाँ बीमा ऐन २०७९ अनुसार बीमा कम्पनीहरुले पहिले त्रैमास पुरा भएकाे ३० दिनकाे अवधि अर्थात् कात्तिक ३० गते भित्र त्रैमासिक विवरण प्रकाशन गरेपनि अधिकांश बीमकले प्राधिकरणमा विवरण पेश गरेका छैनन् । नयाँ कानूनी प्रावधान अनुसार बीमा प्राधिकरणले ताेकिएकाे म्याद भित्र प्रतिवेदन पेश नगरेकाेमा जरिवाना गर्न सक्नेछ । प्राधिकरणले सबै बीमकलाई नगद जरिवाना सहित कारवाही गर्ने हाे भने मंसिर १ गते १९ जीवन , १९ निर्जीवन बीमक २ पुनर्बीमकसँग जरिवाना असुली गर्न सक्नेछ ।
नयाँ बीमा ऐनमा बीमा कम्पनीहरुले ताेकिएकाे समयमा वित्तीय विवरण प्राधिकरण समक्ष पेश नगरेकाे अवस्थामा म्याद नाघेकाे पहिलो एक साता दैनिक २५ हजार रुपैयाँका दरले जरिवाना तिर्नु पर्ने प्रावधान छ । बीमा ऐन २०७९ को दफा १३८ मा बीमा कम्पनीहरुले त्रैमासिक वित्तीय विवरण प्रत्येक त्रैमाशिक अवधि समाप्त भएको तीस दिनभित्र नेपाल बीमा प्राधिकरणमा पेश गर्नु पर्ने व्यवस्था छ ।
