काठमाडौं । एक्सेल डेभलपमेण्ट बैंकले चालू आर्थिक वर्षको पहिलो त्रैमासिक वित्तीय विवरण सार्वजनिक गरेको छ । उक्त वित्तीय विवरणअनुसार कम्पनीको खुद नाफा गत आर्थिक वर्षको पहिलो त्रैमासको तुलनामा नाफा १९ दशमलव ६२ प्रतिशतले बढी हो ।
कम्पनीले गत आर्थिक वर्षमा १ करोड ८२ लाख नाफा कमाएकोमा चालू आर्थिक वर्षमा बढेर २ करोड १८ लाख पुगेको छ । चालू आवमा कम्पनीको खुद ब्याज आम्दानी र सञ्चालन नाफा वृद्धि भएको छ । गत आर्थिक वर्षको तुलनामा कम्पनीको खुद ब्याज आम्दानी चालू आवमा ३७ प्रतिशत वृद्धि भएको छ ।
गत आर्थिक वर्षमा ११ करोड ३१ लाख खुद ब्याज आम्दानी भएकोमा चालू आर्थिक वर्षवमा बढेर १५ करोड ५४ लाख पुगेको छ। त्यसैगरी कम्पनीको सञ्चालन नाफा ९७ प्रतिशत भएको छ । गत आवमा कम्पनीको सञ्चालन नाफा २ करोड ६१ लाख रहेकोमा चालू आवमा बढेर ५ करोड १५ लाख पुगेको हो ।
चुक्तापूँजी १ अर्ब २४ करोड रहेको कम्पनीले जगेडामा ४० करोड २९ लाख सञ्चित गरेको छ । चालू आर्थिक वर्षमा कम्पनीले ११ अर्ब ६२ करोड निक्षेप संकलन गरेर १० अर्ब भन्दा बढी कर्जा लगानी गरेको छ ।
यस अवधिमा कम्पनीको प्रतिशेयर आम्दानी ७ रुपैयाँ ०१ पैसा रहेको छ । मूल्य आम्दानी अनुपात ४४ दशमलव २२ गुणा, तरलता अनुपात २३ दशमलव ८४ प्रतिशत र प्रतिशेयर नेटवर्थ १३२ रुपैयाँ ८९ पैसा रहेको छ ।
