काठमाडौं । नेपाल राष्ट्र बैंकले १६ अर्ब ६६ करोड बराबरको ट्रेजरी बिल जारी गर्ने भएको छ । राष्ट्र बैंकले कात्तिक १५ गते जारी हुने ९१ दिने, १८२ दिने र ३६४ दिने ट्रेजरी बिलको भोलि अर्थात् सोमवार बोलकबोल गर्ने भएको छ।
राष्ट्र बैंकले ९१ दिनको लागि ५ अर्ब १० करोड, १८२ दिनका लागि १० अर्ब र ३६४ दिनका लागि १ अर्ब ५६ करोड बराबरको ट्रेजरी बिल जारी गर्दै छ । यी ट्रेजरी बिल क्रमशः माघ १७ गते, २०८० वैशाख १९ गते र २०८० कात्तिक १४ गते परिपक्व हुनेछन् ।
यी ट्रेजरी बिलको भोलि सोमवार दिउँसो ३ बजे अनलाइनका माध्यमबाट बोलकबोल हुने राष्ट्र बैंकले जानकारी दिएको छ ।
