काठमाडौं। बेलायती नवनिर्वाचित प्रधानमन्त्री ऋषि सुनककी पत्नी अक्षता मूर्तीले पैतृक सम्पत्तिवापत पाएको शेयरबाट २०२२ मा मात्र भारु १२६.६१ करोड (२०२.५७ करोड रुपैयाँ) नगद लाभांश रकम बुझेकी (कमाएकी) छिन् ।
भारतको दोश्रो ठूलो सूचना प्रविधि कम्पनी इन्फोसिसमा रहेको ०.९३ प्रतिशत शेयरवापत यति ठूलो रकम लाभांश कमाएकी हुन् ।
अक्षता इन्फोसिसका सह-संस्थापक नारायण मूर्तिकी छोरी हुन् । अक्षताको यूके बाहिरको आयमा करको विषयले विवाद उत्पन्न गरेको थियो।
मंगलबारको मुम्बई स्टक एक्सचेन्ज (बीएसई) मा रु १,५२८.४० को कारोबार मूल्यमा उनको लगानीको पूँजीकरण भारु ५,९५६ करोडको रहेको छ।
