काठमाडौं । पछिल्लो समय जन्मदिन, बिवाहमा बीमा पोलिसी दिने प्रचलन बढदै आएको पाईन्छ । जन्मदिन, विवाह जस्ता शुभ दिनहरुमा परम्परागत प्रणाली अनुसार सुन, चाँदी, हार जस्ता बहुमुल्य चिजहरु उपहार दिने प्रचलनलाई तोड्दै पछिल्लो समय विभिन्न उत्सवहरुमा बीमा पोलिसी उपहारको रुपमा दिने प्रचलन बढ्दो क्रममा भित्रिएको छ ।
यसैक्रममा मस्र्याङदी गाउपालिका ३ लमजुङ घर भएका पिता बेल बहादुर तामाङले छोरा अभिनव तामाङको पहिलो जन्मदिनको अवसरमा उपहार स्वरुप बीमा पोलिसी प्रदान गरेका छन् ।
उनले रिलायन्स लाइफ इन्स्योरेस वेसीशहर शाखा लमजुङबाट मेरो मुटु बाल जीवन बीमा योजना अन्तर्गत १५ लाख रुपैयाको बीमा पोलिसी उपहार दिएका हुन् ।
