काठमाडौं । कामना सेवा विकास बैंकले आफ्ना फोन पे क्युआर ग्राहकहरुलाई चाडपर्वको समयमा डिजिटल भुक्तानी गरी चाडपर्व अझै रमाईलो र भुक्तानी सहज गर्ने उद्देश्यले चाडपर्व अफर ल्याएको छ । यो योजना अनुसार बैंकले आफ्ना फोन पे क्युआर ग्राहकहरुलाई २०७९ साल असोज ९ गते देखि लागू हुने गरी डिजिटल भुक्तानी मार्फत आकर्षक छुट प्रदान गर्नेछ ।
“यस चाडपर्व लाइफ इजी बनाऔं, नगद छोडौ फोन पें गरौं“ भन्ने नाराका साथ क्युआर ग्राहकहरुले क्युआर प्रयोग गरी भुक्तानी गरेमा भुक्तानी रकमको १० प्रतिशत वा एक सयसम्म छुट प्राप्त गर्न सक्नेछन् ।
साथै फोन पे बाट क्युआर आइबीएफटी तथा अनलाइन पेमेन्ट गर्दा ग्राहकहरुले हरेक दिन १ लाख जित्न सक्नेछन् । साथै फोन पे क्युआरबाट भुक्तानी लिदा व्यवसायीहरुले हरेक दिन स्मार्ट फोन जित्न सक्नेछन् । ग्राहकहरुले यो लक्की ड्रमा सहभागी हुन फोनपे अफर एपमा गई फेसटिभ च्यालेन्ज एक्सेप्ट गर्नु पर्दछ ।
