काठमाडौं । नेपाल राष्ट्र बैंकले सुपर लघुवित्त वित्तीय संस्था लिमिटेड तुलसीपुर दाङलाई समस्याग्रस्त घोषणा गरेको छ । राष्ट्र बैंकले २०७८ असोज मसान्तमा संस्थाले सार्वजनिक गरेको वित्तीय विवरणका बधारमा स्थलगत निरीक्षण गरेको थियो ।
निरीक्षणका क्रममा समस्याग्रस्त देखेपछि विशेष निरीक्षणका क्रममा संस्थाका सञ्चालक समितिका अध्यक्ष तथा सदश्यहरुले संस्थाको हितवपरित व्यक्तिगत लाभका लागि नक्कली ऋणी खडा गरी कर्जा प्रवाह गरि दुरुपयोग गरेको पाइएको थियो ।
उनिहरुको दुरुपयोगले संस्थाको प्राथमिक पूँजी कोष अनुपात १०.३१ प्रतिशतले ऋणात्मक देखिएको राष्ट्र बैंकले जनाएको छ । यस्तो अवस्था देखिए पछि राष्ट्र बैंकले २०७८ चैत २ गते बैंक वित्तीय संस्थाको सिघ्र सुधारात्मक कारबाही सम्बन्धी विनियमावली २०७४ अनुसार संस्थालाई किन समस्याग्रस्त घोषणा नगर्ने भन्दै स्पष्टीकरण पेश गर्न निर्देशन दिएको थियो ।
संस्थाले पेश गरेको स्पष्टीकरण सन्तोषजनक नदेखिएको तथा नेपाल राष्ट्र बैंक ऐन २०५८ को व्यवस्था अनुसार राष्ट्र बैंकले समस्याग्रस्त वित्तीय संस्थाको रुपमा घोषणा गरेको हो ।
