गत आईतबार राती बारा र पर्सा जिल्लामा गएको आँधी बेहरीले भएको क्षतिको बीमा कम्पनीहरुमा दाबी पर्ने अनुमान गरिएको छ । २८ जनाको मृत्यू र सयौ जना घाइते हुने गरी आएको आँधी बेरीले करौडौ सम्पति क्षतिग्रस्त भएको छ । त्यसैले बीमा कम्पनीहरुमा पनि दाबी पर्ने कम्पनीहरुले अनुमान गरेका छन् ।
कम्पनीहरुका अनुसार कति दाबी पर्न सक्छ भनेर अहिले अनुमान गर्न नसकिने बताएका छन् । हुरीका कारण हतास भएका मानिसहरु बल्ला कम्पनीहरुमा दाबी गर्न आउँन थालेको कम्पनीले बताएको छ । दाबी परेपछि मात्रै कम्पनीहरुले सर्भेयर पठाउँने भएकाले पनि कतिको दाबी परयो भन्ने यकित तथ्यांक आउँन केही दिन लाग्ने भएका छन् ।
उता बीमा समितिले बारा र पर्सामा भएको हावाहुरीको क्षतिको जतिसक्दो छिटो तथ्यांक संकलन गर्न कम्पनीहरुले निर्देशन दिएको छ । समितिले दाबीको सर्भे गर्न र जतिसक्दो छिटो भुक्तानी गर्न समेत कम्पनीहरुलाई निर्देशन दिएको छ ।
