काठमाडौं, वैशाख ३ । सूर्या लाइफ इन्स्योरेन्स कम्पनीले चुक्ता पूँजीको ४० प्रतिशतका दरले हकप्रद निष्कासन गर्दैछ । हकप्रद प्रयोजनका लागि कम्पनीले वैशाख ५ गतेदेखि सेयरधनी पुस्तिका बन्द गर्ने भएको छ ।
कम्पनीको हकप्रद सुरक्षित गर्नका लागि सेयरधनीले वैशाख ४ गतेसम्म शेयर खरिद गरिसक्नु पर्ने हुन्छ ।
बीमा समितिले तोकेको चुक्ता पूँजी कायम गर्ने प्रक्रियामा रहेको सुर्या लाईफले १०० रुपैयाँ अंकित मूल्यमा २८ लाख ८७ हजार ५ सय कित्ता हकप्रद सेयर बिक्री गर्न पुस २४ गते निवेदन पेश गरेकोमा धितोपत्र बोर्डले चैत १ गते अनुमति प्रदान गरिसकेको छ ।
गत आर्थिक बर्षको नाफाबाट १० प्रतिशत बोनस वितरण गरेको कम्पनीले बोनसपश्चात कायम पूँजीको ४० प्रतिशत हकप्रद बिक्री गर्न लागेको हो । बोनस र हकप्रद बिक्री पश्चात कम्पनीको पूँजी एक अर्ब नाघ्नेछ ।
कम्पनीको सेयर निष्कासन तथा बिक्री प्रबन्धकमा एनआईसी एशिया क्यापिटल लिमिटेड रहेको छ ।
