काठमाडौं । धौलागिरी लघुवित्तको आइपीओ बाँडफाँड सम्पन्न भएको छ । लघुवित्तको पहिलो शेयर कारोबारका लागि न्युनतम प्रतिकित्ता १४८ रुपैयाँ ६६ पैसा र अधिकतम ४४५ रुपैयाँ ९८ पैसा सम्म रेञ्ज पाउने सम्भावना छ । पहिलो कारोवारको लागि कम्पनीले किताबी मूल्य देखि किताबी मूल्यको तीन गुणासम्म रेञ्ज पाउने गर्छन । कम्पनीको आर्थिक वर्ष ७७/७८ को वास्तविक नेट्वर्थको आधारमा रेञ्ज पाउने सम्भावना छ ।
स्पेसल प्री ओपनिङ सेसनमा सो रेञ्ज भित्र कारोवार हुनुपर्छ । त्यस पछि मात्र कम्पनीको नियमित समयमा शेयर कारोवार सुरु हुन्छ।
आइपीओ बाँडफाँडमा ३० हजार ९२९ जनाले गोलाप्रथाबाट शेयर प्राप्त गरेका छन् । ३० हजार ९२९ जना मध्ये ५ जनाले ११ कित्ताका दरले शेयर पाएका छन् भने बाँकीले १० कित्ताका दरले शेयर प्राप्त गरेका छन् । कम्पनीले साउन २४ गते देखि साउन २९ गतेसम्म आइपीओ निष्काशन गरेको थियो ।
