काठमाडौं । मर्जरको सहमतिपत्रमा हिस्तारक्षर गरे सँगै सगरमाथा इन्स्योरेन्स कम्पनी र लुम्बिनी जनरल इन्स्योरेन्स कम्पनीको शेयर कारोबार रोक्का भएको छ । हिजो असार २९ गते बुधबार अपरान्ह ३ बजेर १५ मिनेटमा बसेको सञ्चालक समितिको बैठकले मर्जरमा जाने निर्णय गरेको थियो ।
सञ्चालक समितिको निर्णय सँगै आज विहान ९ बजे दुबै कम्पनीका अध्यक्षहरुले गाभ्ने गाभिने सम्बन्धी प्रारम्भिक सहमितपत्रमा हस्ताक्षर गरेका छन् । सहमतिपत्रमा सगरमाथा इन्स्योरेन्स कम्पनीका सञ्चालक लोकमान्य गोल्छा र लुम्बिनी जनरलको तर्फबाट सञ्चालक अरुण राज श्रेष्ठले हस्ताक्षर गरेका हुन् ।
दुबैले बराबरी हैसियतमा मर्जरको सहमति गरेका छन् । तथापी डिडिए पछि मात्रै स्वाप रेसियो तय हुनेछ । हाल सगरमाथाको चुक्ता पूँजी १ अर्ब ३३ करोड रुपैयाँ छ भने लुम्बिनीको १ अर्ब ३१ करोड रुपैयाँ रहेको छ । यदि बराबरी हैसियतमा मर्जर भएमा चुक्ता पूँजी २ अर्ब ६४ करोड रुपैयाँ पुग्नेछ । बीमा समितिले पछिल्लो समय निर्देशन गरे अनुसार निर्जिबन बीमा कम्पनीहरुले न्युनतम चुक्ता पूँजी २ अर्ब ५० करोड रुपैयाँ पुर्याउनु पर्नेछ ।
9c09615a0e1c077bba9b7c7c12b0230e
