काठमाडौं । परिवर्तित समयसँगै पछिल्लो समय जीवन बीमालाई आम जनताको दैनिकीसँग जोड्दै जीवन बीमा पोलीसी उपहारका रुपमा दिने चलन बढ्दै गएको छ । विवाह, ब्रतबन्ध, जन्मदिन, पास्नी, गून्योचोलो, बैवाहिक बर्षगाँठ लगायतका शुभ कार्यमा बीमा पोलीसी उपहार दिने चलन बढ्दै गएको हो । यससँगै काभ्रेका निरन्जनले आफ्नो श्रीमतिलाई बीमा पोलिसी उपहार दिएका छन् ।
बीमा अभिकर्ता निरन्जन अधिकारीले आफ्नी श्रीमतीको जन्मदिनको अवसरमा ५० लाख रुपैयाँको बीमा पोलिसी उपहार दिएका हुन् । अधिकारी युनियन लाइफ इन्स्योरेन्सका सिनियर एजेन्सी म्यानेजर हुन् । उनले अभिकर्ता पेशा सुरु गरेको २ वर्षमा २ पटक सम्म एमडीआरटी हाँसिल गरेका छन् ।
बीमा पोलिसी हस्तान्तरण गर्दै उनले बीमा गर्दा आर्थिक बचत हुने र नोक्सानी भएको हकमा क्षतिपूर्तिको सुनिश्चित भएको हुँदा जीवन बीमा अतिआवश्यक रहेको बताए। जीबन बीमा गर्ने योजना पहिले नै बनाएको र बिशेष दिनमा उपहार स्वरुप दिँदा आकर्षक उपहार हुने र अन्यलाई समेत उत्प्रेरणा मिल्ने हुदाँ सो उपहार दिएको उनले बताए । अन्य उपहार खरिद गर्दा खर्चहुने रकम बीमामा भुक्तानी गर्दा भविष्यको लागी उपयोगी बचत हुने समेत अधिकारीले बताए ।
