काठमाडौं । लुम्बिनी जनरल इन्स्योरेन्स कम्पनी लिमिटेडले १ लाख २२ हजार २८७ कित्ता संस्थापक शेयर विक्री गर्ने भएको छ । कम्पनीले आइतवार एक सूचना जारी गर्दै कम्पनीका संस्थापक बाहेकका अन्य व्यक्ति तथा संस्थाले खरीद गर्न सक्ने गरी उक्त शेयर विक्री गर्न लागेको जनाएको छ ।
शेयरको मूल्य प्रतिकित्ता २५० रुपैयाँमा विक्री गर्न स्वीकृतिको लागि निवेदन परेको छ । उक्त शेयर खरीद गर्न इच्छुक यस कम्पनीका हाल कायम रहेका संस्थापकहरु तथा अन्य व्यक्ति तथा संस्थाले सूचना प्रकाशित गरेको मितिले ३५ दिनभित्र निवेदन पेश गर्न आग्रह गरेको छ ।
