काठमाडौं । निर्जीवन बीमा कम्पनीको व्यवसाय बागमति प्रदेशमै केन्द्रित हुने गरेको पाइएको छ । बीमा समितिले सार्वजनिक गरेको पछिल्लो तथ्याङ्क अनुसार निर्जीवन बीमा कम्पनीको ६७ प्रतिशत निर्जीवन बीमा व्यवसाय बागमति प्रदेशमै रहेको छ ।
निर्जीवन बीमा कम्पनीहरुले पुस महिनामा वागमति प्रदेशबाट मात्रै २ अर्ब ४८ करोड रुपैयाँ बीमा शुल्क आर्जन गरेका छन् । जवकी पुस महिनामा निर्जीवन बीमा कम्पनीहरुले जम्मा तीन अर्ब ६७ करोड रुपैयाँ बीमा शुल्क आर्जन गरेका छन् ।
निर्जीवन बीमा कम्पनीको प्रदेश अनुसार बीमा शुल्क आर्जन
त्यस्तै दोस्रो धेरै व्यवसाय भने प्रदेश नम्बर एकमा गरेका छन् प्रदेश एकमा निर्जीवन बीमा कम्पनीहरुले जम्मा ३२ लाख १६ हजार रुपैयाँ बीमा शुल्क आर्जन गरेका छन् । तेस्रो धेरै बीमा शुल्क आर्जन हुने प्रदेश लुम्बिनी प्रदेश रहेको छ । लुम्बिनी प्रदेशमा निर्जीवन बीमा कम्पनीहरुले ३१ करोड तीन लाख रुपैयाँ मात्रै आर्जन गरेका छन् ।
मधेश प्रदेशमा भने निर्जीवन बीमा कम्पनीहरुले २२ करोड ५ लाख रुपैयाँ बीमा शुल्क आर्जन गरेका छन् । गण्डकी प्रदेशबाट भने निर्जीवन बीमा कम्पनीहरुले २१ करोड १९ लाख, सुदुर पश्चिम प्रदेशमा ९ करोड २० लाख र सबैभन्दा कम कर्णाली प्रदेशमा भने तीन करोड २७ लाख रुपैयाँ बीमा शुल्क आर्जन गरेका छन् ।
