काठमाडौं । अजोड इन्स्योरेन्स लिमिटेडले कृषि तथा पशुपन्छी बीमा क्षति मुल्याङ्कनकर्ताको तालिम सम्पन्न गरेको छ । कम्पनीले पुस २५ देखि आज पुस २७ गतेसम्म उक्त तालिम सम्पन्न गरेको हो । कम्पनीले बीमा समितिको स्वीकृत बमोजिम तालिम दिएको जनाएको छ । साथै, उक्त कार्यक्रमको संचालन अजोड इन्स्योरेन्स लिमिटेड पर्बत शाखा प्रमुख बिक्रम ढुंगानाले गरेका हुन् ।
कम्पनीले बीमा दाबी भुक्तानी सरल र सहज बनाउन बीमा मुल्यांकनकर्ताको तालिम सम्पन्न गरेको हो । कृषि तथा पशुपन्छी बीमाको क्षति निर्देशिका बमोजिम बीमा समितिका सहायक निर्देशक पुर्ण वहादुर थापाले प्रशिक्षण दिएका हुन् ।
त्यस्तै, अजोड इन्स्योरेन्स लिमिटेडको तर्फ देखि पशुपन्छी तथा कृषि बिभाग प्रमुख दिपक पोख्रेलले तालिमका कारण बीमा क्षेत्रमा दक्ष जनशक्ति तथा कृषि तथा पशुपन्छी दावी सरल र व्यवस्थित हुने बताए ।
उक्त कार्यक्रममा सहभागिलाइ प्रमाण पत्र वितरण बीमा समितिका सहायक निर्देशक पुर्ण वहादुर थापा ,अजोड इन्स्योरेन्स लिमिटेडको तर्फ देखि पशुपन्छी तथा कृषि बिभाग प्रमुख दिपक पोख्रेल र बजार बिभाग नायब प्रबन्धक यादब प्रसाद पाठकले प्रदान गरेका हुन् ।
