एशियन लाइफ इन्स्योरेन्सको ६० प्रतिशत हकप्रद लाई नेपाल धितोपत्र बोर्डले स्वीकृति दिएको छ । कम्पनीले मितिले दिएकोे न्यूनतम चुक्ता पूँजी कायम गर्न चुक्ता पूँजीको ६० प्रतिशत हकप्रद अनुमतिका लागि बोर्डमा दिएको निवेदनलाई स्वीकृत गरेको हो ।
कम्पनीले मङ्सिर १९ गते निवेदन दिएको थियो । कम्पनीले चुक्ता पूँजीको दश बराबर ६ कित्ताको अनुपातमा एक सय रुपैयाँ अंकित दरमा ७५ लाख ४० हजार ३५२.७३ कित्ता हकप्रद निष्काशनका लागि बोर्डको स्वीकृति पाएको हो ।
इन्स्योरेन्सको गत जेठ १९ गते सम्पन्न दशौं वार्षिक साधारण सभाले ४ प्रतिशत बोनस पश्चात कायम हुने चुक्ता पूँजीको ६० प्रतिशत हकप्रद प्रस्ताव पारित गरेको थियो । हकप्रद निष्काशनका लागि कम्पनीले एनआईबीएल एस क्यापिटल लिमिटेडलाई विक्री प्रबन्धक नियुक्त गरिसकेको छ ।
