काठमाडौं । सिद्धार्थ इन्स्योरेन्स कम्पनीले बीमा सर्भेयरलाई सूचिकृतको लागि आह्वान गरेको छ । कम्पनीले आर्थिक वर्ष २०७८/७९ को लागि कम्पनीमा पर्न आउने दाबीको क्षति मूल्याङ्कन कार्य गर्नका लागि सर्भेयरहरुको सूचि तयार पार्ने भएको हो ।
बीमा समितिबाट सर्भेयरको लाइसेन्स प्राप्त व्यक्तिहरुलाई ३५ दिन भित्रमा सूचिकृत हुनका लागि निवेदन माग गरेको छ । सूचिकरणका लागि आवेदन दिने सर्भेयरले, बीमा समितिबाट प्राप्त सर्भेयरको प्रमाणपत्र, स्थायी लेखानम्बरको प्रतिलिपि, कम्पनीको हकमा दर्ता प्रमाणपत्रको प्रतिलिपि र व्यक्तिको हकमा नागरिकताको प्रतिलिपि साथै कार्य अनुभव सहितको विवरण पेश गर्नु पर्ने छ ।
बीमा समितिले निर्जीवन बीमा कम्पनीहरुलाई समयमा दाबी भुक्तानी प्रकृयाँ टुङ्गाउनका लागि उचित मात्रामा सर्भेयरको प्रवन्ध गर्न निर्देशन दिएको छ । साथै एउटा सर्भेयर सँग यदि ५ वटा भन्दा बढि बाँकी दाबी भक्तानीका फाइल छन् भने उनिहरुले अन्य सर्भे गर्न नपाउने व्यवस्थालाई कडाइका साथ कार्यान्वयन गर्न निर्देशन दिएको छ ।
