काठमाडौं । नेप्सेमा कामना सेवा विकास बैंकको शेयर मूल्य समायोजन भएको छ । कम्पनीको १८ दशमलव ५० प्रतिशत बोनश शेयरपछिको शेयर मुल्य समायोजन भएको हो ।
शेयर मुल्य समायोजनपछि कम्पनीको शेयर मूल्य प्रति कित्ता ६०७ रुपैयाँ कायम भएको छ । बैंकको अघिल्लो कारोबार मूल्य प्रति कित्ता ७१९ रुपैयाँको आधारमा शेयर मुल्य समायोजन गरेको हो ।
कम्पनीले साधारणसभा प्रयोजनको लागि आज कार्तिक १० गते बुक क्लोज गरेसँगै आज शेयर मूल्य समायोजन भएको हो।
बैंकले कात्तिक २३ गतेका लागि साधारणसभा डाकेको छ। बैंकले गत आर्थिक बर्षको कमाईबाट १८ दशमलव ५० प्रतिशत बोनस र कर प्रयोजनका लागि ० दशमलव ९७ प्रतिशत नगद गरि कुल १९ दशमलव ४७ प्रतिशत लाभांश प्रस्ताव गरेको छ।
