काठमाडौं । माछापुच्छ्रे कृति क्यापिटल लिमिटेडको दोस्रो वार्षिक साधारण सभा कात्तिक १० गते हुने भएको छ । कम्पनीको असोज १३ गते बसेको सञ्चालक समितिको बैठकले साधारण सभा गर्ने निर्णय गरेको हो । सभा एम्बेस्सी रेष्टुरेन्ट, पानीपोखरी, काठमाडौंमा बिहान ११ बजे शुरु हुने क्यापिटलले जनाएको छ ।
सभाले सञ्चालक समितिले प्रस्ताव गरे बमोजिम शेयरधनीहरुलाई चुक्ता पूँजीको ७ प्रतिशत बोनश शेयर तथा ६ दशमलव ४ प्रतिशत नगद लाभांश (कर सहित) गरी कुल १३ दशमलव ४ प्रतिशत लाभांश वितरण गर्ने प्रस्ताव पारित गर्नेछ ।
सभाको कम्पनीको जारी तथा चुक्ता पूँजी वृद्धि गर्ने, कम्पनीको संस्थागत सामाजिक उत्तरदायित्व अन्तर्गत मर्चेण्ट बैंकिङ एशोसिएशन अफ नेपालको संयोजकत्वमा गरिएको खर्च अनुमोदन गर्ने प्रस्ताव पेश गरी पारित गर्ने जनाएको छ ।
त्यसैगरी सभाले कम्पनीको नाम परिवर्तन गरी माछापुच्छ्रे क्यापिटल लिमिटेड कायम गर्ने, कम्पनीको प्रवन्धपत्र र नियमावलीमा संशोधन गर्ने लगायतका विविध प्रस्ताव पारित गर्नेछ ।
