गभर्नर अधिकारीलाई कोरोना संक्रमण, कायममुकायम गभर्नरमा निलम ढुंगाना

काठमाडौं । गभर्नर महाप्रसाद अधिकारीलाई कोरोना भाइरस ‘कोभिड १९’ को संक्रमण देखिएको छ । उनलाई असोज ५ गते संक्रमण देखिए पछि होम आइसोलेसनमा बसेका छन् ।

अधिकारीलाई स्वास्थ्य लाभ नभएसम्म र कार्यालय आउन नसकुनजेलका लागि डेपुटी गभर्नर निलम ढुंगाना तिम्सिनालाई कायममुकायम गभर्नरको रुपमा जिम्मेवारी दिइएको सहायक प्रवक्ता नारायण प्रसाद पोखरेलले जानकारी दिए ।