काठमाडौं । आइएमई लाइफ इन्स्योरेन्स कम्पनी र नेष्डो समृद्ध लघुवित्त वित्तीय संस्थाले आइपीओ निष्काशनका लागि धितोपत्र बोर्डमा निवेदन पेश गरेका छन् । आइएमई लाइफ इन्स्योरेन्स कम्पनीले ६० करोड रुपैयाँ बराबरको ६० लाख कित्ता आइपीओ निष्काशन गर्नका लागि बोर्डमा निवेदन पेश गरेको हो ।
कम्पनीले आइपीओ निष्कानको लागि बोर्डमा जेठ ३१ गते निवेदन पेश गरेको हो । आइपीओ निष्काशन तथा विक्री प्रबन्धकमा सिभिल क्यापीटल मार्केट रहेको छ । कम्पनीको आइपीओले ‘केयर एनपी ट्रीपल बी रेटिङ प्राप्त गरेको छ । रेटिङ एजेन्सी केयर नेपालका अनुसार उक्त रेटिङले समयमा नै वित्तीय दायित्व पुरा गर्न सक्षम रहेको मध्यम स्तरको सुरक्षित कम्पनी जनाउँछ ।
त्यसैगरी नेष्डो समृद्ध लघुवित्त वित्तीय संस्थाले नेष्डो समृद्ध लघुवित्त वित्तीय संस्थाले ८ करोड २८ लाख ७५ हजार रुपैयाँ बराबरको ८ लाख २८ हजार ७ सय ५० कित्ता आईपीओ निष्काशन गर्न लागेको हो ।
संस्थाले आइपीओ निष्कानको लागि असार ६ गते बोर्डमा निवेदन पेश गरेको हो । लघुवित्तले आइपीओ निष्काशन तथा बिक्रि प्रबन्धकमा ग्लोबल आईएमई क्यापिटललाई नियुक्त गरिसकेको छ ।
उक्त आइपीओलाई इक्रा नेपालले मध्यम किसिमको सुरक्षाको संकेत प्रदान गर्ने ‘इक्राएनपि आइआर डबल वि प्लस’ रेटिङ दिएको छ । यसले संस्थाको प्राथमिक शेयरमा लगानी गर्दा मध्यम किसिमको सुरक्षा रहेको संकेत प्रदान गर्छ ।
