काठमाडौं । लुम्बिनी जनरल इन्स्योरेन्स कम्पनी आजबाट १७ औं वर्षमा प्रवेश गरेको छ । कम्पनी रजिष्टारको कार्यालयमा दर्ता भएको दिनलाई कम्पनीले बार्षिकोत्सवको रुपमा मनाउने निर्णय गरे अनुसार आज १७ औं बार्षिकोत्सव मनाउन लागेको हो । २०६१ सालमा आजकै दिनमा दर्ता भएको कम्पनीले २०६२ साल साउन २ गतेबाट औपचारिक रुमपा कारोबार सुरु गरेको थियो ।
कोभिडका कारण कम्पनीले बार्षिकोत्सवको अवसरमा कुनै भव्य कार्यक्रम नगरे पनि बीमा जनचेतना मूलक विभिन्न प्रचार प्रसारका कामहरु गरेको जनाएको छ ।
बार्षिकोत्सवको अवसरमा कम्पनीका सिईओ नूर प्रकाश प्रधानले उत्कृष्ट सेवामा ध्यान दिने प्रतिबद्धता व्यक्त गरेका छन् । उनले भने, ‘अहिलेको परिस्थिति, आर्थिक अवस्थाले गर्दा नयाँ प्रतिबद्धता दिने अवस्था छैन, हामी सरल, सहज र उत्कृष्ट सेवा दिएर बीमा व्यवसाय बृद्धि गर्ने प्रतिबद्धता व्यक्त गर्दछौं ।’
