काठमाडौं । साधना लघुवित्त वित्तीय संस्थाले २० प्रतिशत लाभांश वितरण गर्ने प्रस्ताव गरेको छ ।
कम्पनी गत बिहिवार बसेको सञ्चालक समितिको बैठकले गत आर्थिक वर्ष २०७६।०७७ मा आर्जन गरेको मुनाफाबाट १९ प्रतिशत बोनस शेयर तथा एक प्रतिशत नगद (कर प्रयोजनको लागि मात्र) लाभांश दिने निर्णय गरेको कम्पनीले आज नेप्सेलाई पठाएको पत्रमा उल्लेख छ ।
साधना लघुवित्त वित्तीय संस्थाले लाभांश बापत चार करोड ३५ लाख ५६ हजार रुपैयाँ वितरण गर्ने जनाएको छ । उक्त लाभांश नेपाल राष्ट्र बैंकबाट स्वीकृत भई आगामी बार्षिक साधारणसभाबाट अनुमोदन पश्चात वितरण गरिने कम्पनीले जनाएकोछ ।
