काठमाडौं । हिमालयन जनरल इन्स्योरेन्स र एभरेष्ट इन्स्योरेन्स एक आपसमा गाभिएर बनेको कम्पनी हिमालयन एभरेष्ट इन्स्योरेन्स कम्पनी लिमिटेडले चालु आर्थिक वर्षको दोश्रो त्रैमासको रिपोर्ट सार्वजनिक गरेको छ। प्रकाशित तथ्यांक अनुसार कम्पनीको नाफा गत आर्थिक वर्षको दोश्रो त्रैमास भन्दा शुन्य दशमलव ३२ प्रतिशतले वृद्धि हुँदै ११ करोड २५ लाख पुगेको छ ।
कुल बीमा शुल्क आर्जन ३ दशमलव ०६ प्रतिशतले वृद्धि हुँदै १ अर्ब ५० करोड पुगेको छ भने खुद बीमा शुल्क आर्जन ३० दशमलव ५४ प्रतिशतले वृद्धि हुँदै ५९ करोड १९ लाख पुगेको छ ।
२ अर्ब २३ करोड चुक्ता पुँजी भएको कम्पनीको जगेडामा ६६ करोड २० लाख संचित छ भने बीमा कोषमा १ अर्ब १५ करोड संचित छ । समिक्षा अवधिमा जगेडा कोष ७ दशमलव ५५ प्रतिशतले वृद्धि हुँदा बीमा कोष ४ दशमलव ६३ प्रतिशतले वृद्धि भएको छ ।
कम्पनीले पुष मसान्तसम्म ४६ करोड ७६ लाख कुल दावी भुक्तानी गर्दा १८ करोड ६६ लाख खुद दाबी भुक्तानी गरेको छ । त्यस्तै भुक्तानी गर्न बाँकी दाबी रकम २ अर्ब १७ करोड छ ।
प्रकासित तथ्यांक अनुसार कम्पनीको प्रति शेयर आम्दानी १० रुपैयाँ ०५ पैसा र प्रति शेयर किताबी मूल्य १८३ रुपैयाँ २१ पैसा छ ।
