काठमाडौं । नेपाल स्टक एक्सचेन्ज (नेप्से)मा आज दुई कम्पनीको साढे ८१ लाख बढी कित्ता शेयर थपिएको छ।
नेप्सेमा कामना सेवा विकास बैंकको बोनस शेयर र खानीखोला हाइड्रोपावर कम्पनीको हकप्रद शेयर गरी कुल ८१ लाख ६७ हजार ९८९.२ कित्ता शेयर थपिएको हो। जसमा कामना सेवा विकास बैंकको ३५ लाख १० हजार ८४६.२० कित्ता बोनस शेयर र खानीखोला हाइड्रोपावरका ४६ लाख ५७ हजार १४३ कित्ता हकप्रद शेयर रहेको छ।
अघिल्लो आर्थिक वर्षका लागि कामना सेवा विकास बैंकले १० प्रतिशत बोनस शेयर जारी गरेको थियो भने खानीखोला हाइड्रोपावरले आफ्ना शेयरधनीहरुका लागि १०० प्रतिशत हकप्रद शेयर जारी गरेको थियो।
