काठमाडौं । भारतीय शेयर बजार नियामक सेबीले ‘नेकेड सर्ट सेलिङ’मा प्रतिबन्ध लगाउने कठोर निर्णय गरेको छ।
सेबीले रिटेल इन्भेस्टरलगायत हरेक वर्गका लगानीकर्तालाई सर्ट सेलिङको अनुमति दिएको छ। तर, उनीहरुले नेकेड सर्ट सेलिङ गर्न पाउने छैनन् । हिन्डनबर्ग विवादको एक वर्षपछि सेबीले यस्तो प्रतिबन्ध लगाउने निर्णय लिएको हो।
सेबीले सबै वर्गका लगानीकर्ताले फ्युचर अप्सन्समा ट्रेडिङका लागि उपलब्ध सबै स्टकमा सर्ट सेलिङ गर्न पाउने जनाएको छ। रिटेल इन्भेस्टरलाई पनि यो अनुमति दिइएको छ।
सर्ट सेलिङ फ्रेमवर्कलाई लिएर सेबीले आफ्नो बयानमा भनेको छ, ‘यसले भारतीय शेयर बजारमा नेकेड सर्ट सेलिङलाई अनुमति दिँदैन। सबै लगानीकर्ताले सेटलमेन्टका क्रममा शेयरको डेलिभरी पूरा गर्नुपर्नेछ।’ –एजेन्सी
